Pas suksesit të projektit bashkëpunues që filloi në vitin 2015, Stacion - Qendra për Art Bashkëkohor Prishtinë ka kënaqësinë të shpallë Shkolla Verore si Shkollë 2019.

Programi mbahet nga 15 korrik deri me 1 gusht 2019.

Shkolla Verore si Shkollë është platformë ndërdisiplinare për art dhe edukim, në Prishtinë.

Me Shkolla Verore si Shkollë, Stacion - Qendra për Art Bashkëkohor Prishtinë dhe partnerët bashkëpunuës kanë krijuar një platformë unike të bashkëpunimit rajonal dhe ndërkombëtar, të stacionuar në Prishtinë, si model përparimtar; duke zhvilluar një planprogram ndërdisiplinar, duke angazhuar profesionistë të zgjedhur për të përhapë dije dhe shkëmbyer ekpertizën e tyre në Prishtinë me studentë ndërkombëtarë dhe me publikun.

Programi i vitit 2018 i Shkolla Verore si Shkollë ka përfshirë punëtori, ligjerata, përformanca, vizita studimore, programin e shkollës së filmit, dhe ekspozita nga artist, shkrimtarë dhe studiuës përfshirë: Julieta Aranda, Brigita Antoni, Zdenka Badovinac, Carolyn Christov-Bakargiev, Sezgin Boynik, Boris Buden, Mladen Dolar, Linda Gusia, Jakup Ferri, Kate Fowle, Felix Gmelin, Laura J. Kurgan, Thomas Keenan, Sami Khatib, Nita Luci, Meriton Maloku, Ari Benjamin Meyers, Sandhya Daemgen, Miran Mohar, Remijon Pronja, Danilo Prnjat, Bernhard Rüdiger, Anri Sala, Branimir Stojanović, Milica Tomić, Zorica Zafirovska, Alenka Zupančič dhe Dardan Zhegrova.

85 pjesëmarrësit e përzgjedhur për “Shkolla Verore si Shkollë” 2018 kanë ardhë nga 26 vende, përfshirë, Australi, Austri, Danimarkë, Francë, Kinë, Kroaci, Gjeorgji, Gjermani, Hungari, Irak, Kosova, Maqedoni, Mali i Zi, Mbretëria e Bashkuar, Poloni, Rumani, Rusi, Serbi, Slloveni, Suedi, Shqipëri, Zvicra, Turqi, Turkmenistan, Ukrainë, Shtetet e Bashkuara të Amerikës, Shqipëri.

110 aplikuës do të përzgjedhen për të marrë pjesë në Shkolla Verore si Shkollë 2019.

Institucionet partnere kryesore të Stacion – Qendra për Art Bashkëkohor Prishtinë për Shkolla Verore si Shkollë 2018 janë IRWIN group, Cultural Center Rex / Fund b92, Beograd, Pres to Exit Project Space, Shkup, Art House, Shkodër, Institute for Contemporary Art, Podgorica, Sonemus Association, Sarajevë, Independent Curators International – ICI, Nju Jork dhe Friedrich-Ebert-Stiftung Office në Prishtinë.